有「嫩口謝安琪」之稱的o靚模郭奕芯（Ashina），昨日在Facebook自稱在港鐵遭非禮，但當時因趕時間沒有立即報警，但愈諗愈嬲，故前往尖沙咀警署報案，事後她向本報表示慘遭口罩男掃三次大髀，又慨嘆沒有立即報警：「我真係勁蠢！」
Ashina形象性感，早前趁夏日到沙灘享受陽光。
報案後，Ashina指着被掂部位，顯得猶有餘悸。
與前亞視高層盛品儒一啜成名的Ashina年僅18歲，憑天使面孔及魔鬼身材成為新一代宅男女神。她昨晨11時許於Facebook留言因辦入台快證而急到金鐘辦理，她自稱在太子乘搭港鐵到金鐘期間，遭一名口罩青年掃三次大髀，疑遭非禮。她續指當時因急赴金鐘，故沒有立即報警，待搞掂辦證手續後，才往尖沙咀警署報案。身穿背心熱褲的Ashina在落口供三小時後獨自步出警署，一臉憔悴，問到當時情況，她說：「今朝由石硤尾屋企出發去金鐘辦台證，有個男仔喺港鐵度一共掃咗我大髀三次。」
每次停留兩三秒
Ashina愈講愈激動，續說：「第一次係啱啱入車廂，唔知佢係唔小心定點，第二次就係有乘客落車，當時車廂空間唔逼，唔知點解佢要行埋嚟掂到我，令我覺得不安。到第三次係轉車去中環，佢一直都跟住我，明明仲有好多空位，但佢係都要坐我隔籬，臨到中環，佢起身時掃我大髀，之後一支箭走咗，我有望去佢度，但佢戴口罩、帽同眼鏡，睇唔到個樣，但一睇就知唔係年紀大，介乎22至28歲。」她描述當時被掂情況：「右邊大髀位置，三次都係同一個位置。佢係用手背掃我，一個女仔會衡量到呢種感覺係唔覺意定有心，佢停留嘅時間係兩至三秒。」
問到為何沒有即時報警？Ashina說：「嗰時真係好嬲，但又唔敢大聲嗌非禮，反而係呆咗同驚，始終呢啲事未發生過喺自己身上，加上趕住去辦證，所以唔敢去鬧佢。我辦完證就即刻去報警！」她又自責說：「冇即時報警我覺得自己勁蠢，因為依家報警有啲遲，警察都話係有啲難搵，但佢哋明白到我當時係不知所措。」Ashina還表示這事令她身心俱疲，故報案後立即返家休息。
專案組
