東網電視
更多新聞短片今年六月與台灣男星趙又廷結婚的內地女星高圓圓，昨日以形象大使身份出席第十屆「莎莎婦女銀袋日」記者會，新婚蜜運中的她全程笑得甚甜。問到早前生日（10月5日）如何慶祝？她說：「冇特別。（老公送咩畀你？）實用嘅，我哋會互相送實用嘅禮物。（有冇驚喜？）冇，食飯慶祝都冇，唔提醒屋企人都唔記得，向來都冇慶祝生日嘅習慣。」
高圓圓表示與老公趙又廷沒有時間度蜜月。
談到新婚生活，圓圓表示分別不大：「結婚唔係一瞬間嘅事，所以冇大轉變。」提到何時擺喜酒，她透露將於下月28日在台灣舉行，並會邀請親密好友出席，她笑說：「哎！之前話唔透露，依家愈講愈多！（度蜜月呢？）冇時間，老公拍戲，大家都要工作，工作要緊。」至於有否生小朋友的計劃？她笑說：「睇吓啦！我哋都鍾意小朋友。」另外，提到合作拍攝電影《一生一世》的謝霆鋒與王菲復合，問會否祝福他們「一生一世」時，助手幫口解圍表示不回應，及後圓圓笑說：「佢係個好人。」
