藝人吳啟華、王浩信和朱千雪等，前晚到九龍城收看無綫劇《再戰明天》首播。同場監製林志華透露吳啟華已設立萬多元的食飯基金，啟華指基金是台前幕後齊齊夾份，他只負責管理，又笑言曾私自動用資金到澳門賭兩手：「所以食極都食唔晒！」提到在劇中飾演懲教署人員，啟華指角色性格不算惡，所以批准囡囡煲劇：「係嚴肅少少啫！我喺屋企都成日同佢互相扮惡，有邊面佢係未見過？」

吳啟華設立食飯基金「萬歲」，人人有份！

千雪及啟華齊齊睇首播，期望《再》劇有好成績。

同場的王浩信經常捱打，問到在劇中是否繼續做受害者？他笑言今次終於可以打人：「如果囚犯曳打交，我都會出手制止。」千雪則指母親每逢有新劇都會特意從加拿大回港支持，但不會留港長住。