名模周汶錡（Kathy）與法籍富豪老公Julien Lepeu早前在泰國小島慶祝結婚兩周年紀念，過往愛熱鬧的Kathy今年一反常態，期望平靜地共度二人世界：「今次係我畀驚喜佢，安排去小島住，成個島得一間Resort，三十幾間房。呢度有好靚嘅陽光與海灘，又有水上活動玩，啱晒鍾意做運動嘅佢！出發前我淨係講去泰國呃住佢，去到泰國又轉機，佢去到先知！」

Kathy與Julien在3層樓高的樹屋用餐，慶祝結婚兩周年。

周汶錡與老公順其自然，期望早日造人成功。

旅程中，兩人首度在樹頂享用午餐，坐在3層樓高的雀巢形座位用餐，侍應更如拍武俠片般吊威吔飛來飛去，感覺有趣。問到此行有否全力造人？她笑說：「咪逼我啦，開心就得！我哋已經隨時準備好，都好鍾意小朋友。對我嚟講湊B冇難度，自細就鍾意照顧人。」