吳啟華與徐子珊昨日為新劇宣傳，齊齊於五層樓高玩游繩，怎料安全繩勁勒下體， 「小啟華」頓時激凸人前，難得啟華並未介意，笑指時間短未感不適，而子珊則笑指冇望他！

啟華被安全繩勒到激凸，大展雄風。

啟華與子珊攜手游繩而下，非常有型！

一眾演員落力扯大纜，難分勝負！

朱千雪在新劇有很多心理戰戲份，大考演技。

吳啟華、徐子珊和朱千雪等昨日到赤柱為新劇《再戰明天》造勢，眾人以戲中造型現身，演一級囚犯的單立文更被鐵鏈纏身押到現場。期間眾人大玩扯大纜及演習，啟華與子珊則從五層樓高游繩落地，但他們同被安全繩勒到下體，當中「小啟華」更激凸示人，場面尷尬。

啟華透露首次上五層樓高練習時也感腳軟，至第二次才習慣，對於「小啟華」激凸，他笑說：「保護啫！係箍住，好似吊威吔咁。（痛唔痛？）唔痛，但平時拍戲會有Pad放入去，呢度就冇，但都好快，冇拍戲咁辛苦，成日都係咁！」談到其醫生形象深入民心，如今搖身一變成懲教人員，啟華坦言醫生形象較斯文靚仔，相反演懲教人員卻要應付打戲，幸好開拍前已頻做運動練體能，即使期間曾被爽身粉跣到腰先着地，幸未有受傷。

行到扯蝦

而穿上長袖制服的子珊則表示焗到成身汗，由於平日多數跳舞及做瑜伽，甚少做帶氧運動，故獲悉要走上幾層樓梯，也不禁腳仔軟：「尋日聽到要行十層樓，即刻話要用氧氣樽，頭先行到一半我真係扯蝦，要停低休息陣，但落嚟就要扮型，所以拖住啟華哥隻手。（有冇見到啟華下體激凸？）冇睇到啦！（咁你有冇勒到敏感位置？）我都好過啟華哥嘅！」至於千雪亦表示沒有留意啟華激凸。