顧紀筠兒子陳浚霆、森美、張繼聰及杜德偉等昨日錄影無綫節目《超級巨聲4》第一集,打入十六強的浚霆坦言緊張:「以往跟媽媽入嚟電視城做嘢,今次角色掉轉。」他又自爆壓力大:「爸爸叫我畀心機唱。(媽媽煲開聲茶?)佢有買。(參賽者知你係『星二代』?)知,我會搵媽媽幫我睇中文。」

張繼聰(左起)、杜德偉及森美率先一睹《超級巨聲4》參賽者大展歌喉。

《超級巨聲4》的16強包括陳浚霆經已面世,連場Sing戰即將上演!

至於主持張繼聰則澄清早前與港姐陳凱琳拍劇傳緋聞一事:「佢唔好彩同我有對手戲。(太太信你?)信!我覺得爭番口氣,因為老婆傳過緋聞但我冇。(打和?)好開心終於將『廢柴老公』除名。」他表示面對陳凱琳不會避忌,但笑言若老婆再傳緋聞便會生氣。任評判的杜德偉指若參賽者以自然流露的勁舞參賽便會加分。