歌手孫耀威（Eric）前日在網上自爆被醉駕男子撞毀座駕，雖然只是車毀，人沒有大傷，但Eric遭滿身酒氣的肇事司機撞毀私家車後，再被其女性朋友用錢掟：「聞到佢身上有陣陣酒氣，所以要求警方同佢做酒精測試，我覺得佢唔適合再揸車，如果放佢走，對路人或駕駛人士都唔係咁安全。佢嘅女性朋友態度亦唔係咁好，用粗口鬧我多『咩』餘，和解咪算囉，之後掟咗疊Cash（現金）喺我面前叫我走，又再講咗啲說話，可能佢覺得我係公眾人物，想用呢啲方法解決件事。」

Eric認為對方的言行應受法律制裁：「我望一望個警員，同佢講我唔願意作和解，要求佢哋公事公辦。」