佔領中環、銅鑼灣及旺角行動令港九交通幾近癱瘓，多位名模如諸葛紫岐、莊思敏及歐陽妙芝等均受影響。與友人在中環合資經營時裝店的莊思敏，因中區遊客減少而影響生意，她昨日透露整個星期都冇生意，自己尚且捱到，但身邊做零售及飲食業的朋友已向員工表示將要裁員。

諸葛紫岐：個仔去檢查改咗兩次期！
諸葛紫岐希望囝囝能早日前往檢查身體。（資料圖片）

莊思敏：成個星期冇生意！
經營時裝店的莊思敏透露整個星期都未發市。（資料圖片）

歐陽妙芝：湊仔返學預多咗時間。
歐陽妙芝因多條交通道路被佔領而改乘港鐵。（資料圖片）

親身赴韓拜訪髮型師Kang Ho的歐陽妙芝獲益不少。

至於育有一子的諸葛紫岐說：「原本要帶個仔去診所做定期檢查，因為診所喺中區，改咗兩次期都去唔到，依家再改期，希望去到。基本上我嘅生活範圍都喺香港區，約人開會同埋一啲私人活動大多取消咗，都唔緊要，最緊要唔想影響小朋友。」同為人母的歐陽妙芝亦預多了時間帶兩子返學放學，上周五更整天改乘港鐵。另外，熱愛韓流的妙芝早前有幸到韓國拜訪李敏鎬的御用髮型師Kang Ho，並獲對方親自為她Set頭，她興奮透露Kang Ho歡迎她帶其化妝學校的學生往朝聖。