霍啟山緋聞女友兼模特兒Lea T.及日模山內藍趁夏日結束前,齊齊穿上三點式大晒C Cup噴血身材。向來重視健康的Lea,認為Keep Fit之道在於持之以恒地運動:「我每日健身,風雨不改,我覺得女仔有肌肉先好睇,先會練出線條同堅挺嘅胸。」談到節食,她並不支持,但每年會有三天只飲果汁為身體排毒。

Lea T.每日持之以恒健身,難怪身材Fit到爆!

山內藍自爆飲檸檬水減肥,卻幾乎暈倒家中。

而日模山內藍為其33C、24、34的身材亦下過不少苦功:「我啱啱嚟香港嗰陣,因為香港啲美食太好味,食到肥咗好多,於是當然要地獄式減肥啦!我用咗一個飲檸檬水嘅天然排毒減肥法,自製檸檬水,為期10日只飲檸檬水,過程好痛苦,到咗第10日,我就發燒,成個人冇晒力幾乎暈喺屋企,雖然瘦番晒,但以後都唔敢再用呢個方法減肥。」