減肥絕對不是女生的專利，樂隊享樂團的主音伍浩然（Don）曾經都是一名小胖子，但憑着過人毅力於短短3個月內搣甩20磅，他分享減肥之道不外乎運動和節食：「我由170磅減到150磅，最緊要係運動同節食，我一星期跑5日步，每次45分鐘，食嘢就大部分Cut晒糖、油、鹽，飲嘢走甜，奶茶都唔飲，咖啡就飲齋啡。」他又補充最重要食得清淡，多菜少肉：「早餐可以食豐富啲，午餐都可以，但記得走汁，夜晚有時我跑完會唔食晚餐，不過如果想健康啲，會食烚雞肉同烚菜。如果再加快進度，夜晚6點後就唔再食嘢，同一定唔可以食澱粉質，要好清淡。」

Don憑毅力於短短3個月內成功搣甩20磅。

為了減磅，Don一星期跑5日步，努力燃燒脂肪！

Don公開烚雞肉及烚菜的減肥餐單。

唔講唔知，原來Don曾經是肥仔一名！