亞生陳子超騎呢Chok甫未夠喉

16名準亞洲先生昨日到亞視大埔總台綵排舞蹈表演，其中「化行妝」出席練舞的(7)陳子超影相時擺出騎呢甫士，其後又覺得剛才影得未夠出位，要求再影多次，卻被工作人員拒絕，即時垂頭喪氣。另一位30歲的(5)王暢明顯比起其他參賽者矮一截，問到會否感壓力？他說：「每個人都係唔完美，可以喺其他方面嚟彌補。」相反，(2)緬甸男段生富自言有身高優勢，但對答卻細細聲，被質疑缺乏信心，但他強調有「內心的力量」。