關楚耀及羅子喬在王晶監製及編劇的新片《天師鬥殭屍》中有親熱戲，羅子喬坦言感到難忘：「因為要講我採取主動要錫佢，為咗配合鏡頭拍咗好多次，加上意識好大膽。（唔習慣？）拍攝時喺片場投入咗，冇話慣唔慣。」而另一場出浴戲亦獻出了她的第一次，她說：「我拍戲以來第一次尺度咁大，當時身上只貼了乳貼來拍背部同側邊，幸好清咗場，第一次畀咗王晶。（底線？）三點不露！」她又多謝王晶多次給予機會拍攝電影。

關楚耀及羅子喬雖然有不少親熱戲，但完全冇尷尬。

戲中的羅子喬要色誘關楚耀，意識大膽！

羅子喬更笑言要感激關楚耀前輩教路，關楚耀聞言即說：「又唔好咁客氣，論年資上我都係前輩，唔好話教，大家研究吓、交流吓演出啫！」問到拍親熱戲會否尷尬，他說：「嗰場戲係佢做主動，之前都溝通過，所以冇尷尬，只係有場戲佢要喺地下爬，我要喺佢背部簽文件，感覺好唔尊重佢。」