無綫節目《Sunday扮嘢王》前晚錄影最後一集，王祖藍、薛家燕、陳嘉佳（小寶）、鄭欣宜與楊詩敏（蝦頭）等參與，最後兩隊打成平手，每人獲得逾九萬港元獎金獎品。小寶與欣宜分別扮演「重量級」Lady GaGa及Beyonce，造型爆笑，小寶則稱現在登台唱容祖兒的《隆重登場》要加價。擔任評判的黃翠如被祖藍問到與蕭正楠究竟是甚麼拍檔時，她笑說：「我同佢唔熟，唔係真、傳聞嚟！」家燕姐則說：「你扮嘢真係叻，原來你先係扮嘢王。」翠如受訪時講到家燕姐揚言在新劇錫錫蕭正楠時笑說：「希望佢哋開心，佢抵錫嘅。」近期忙搵真銀的她表示暫時不會以情侶檔搵銀：「好似唔係幾好，唔想咁快黐埋一齊，希望工作上多啲新鮮感。」此外，問祖藍是否有信心憑台慶劇《老表，你好Hea！》攞視帝？他說：「傻啦！梗係郭晉安。」

節目錄影最後一集，主持家燕姐與祖藍依依不捨。

小寶（右）與欣宜扮演「重量級」Lady GaGa及Beyonce。

擔任評判的黃翠如笑言與男友蕭正楠「唔熟」。