應屆港姐冠軍邵珮詩、亞軍王卓淇與季軍何艷娟前晚出席《香港傳藝節.仁濟慈善晚宴》，問她們可會趁機釣金龜？王卓淇說：「唔會，本身港姐已經係筍盤，唔需要再釣。」三人又表示沒有追求者，但有很多朋友。問到當選後是否沒人敢追求，何艷娟說：「又唔會，大家識朋友都係睇性格多啲，鍾意我哋嘅人會鍾意我哋嘅性格，唔會睇名銜。（拍劇？）想試吓演喜劇同古裝劇。」而邵珮詩則表示想演佗槍師姐這類角色：「或者好似我偶像佘詩曼演嘅《使徒行者》呢類劇集。」王卓淇則坦言想做主持。同場的汪詩詩表示妹妹汪圓圓與妹夫蔡加讚識湊BB：「佢哋第一次做父母好緊張，令到我哋抱BB都好緊張。」

王卓淇（左起）、邵珮詩與何艷娟都表示暫時未有追求者。

汪詩詩指初為人母的妹妹圓圓很緊張BB。