陳敏之喊住嫁收神秘賀禮

無綫「索腿美人」陳敏之與圈外男友雷偉信（William）昨日於峇里舉行婚禮，雖然她對婚事一直守口如瓶，多次回應只表示「到時大家就知道」，但據知兩人早於年初已開始計劃籌備婚禮，合共豪花七位數字！敏之未有廣邀好友出席，除了親人外，圈中賓客包括情如親姊妹的伍詠薇夫婦、梁烈唯夫婦、黃長興夫婦、嚴淑明及黃泆潼，而眾人亦相當「識做」，日前出發時仍守口如瓶，否認參加婚禮，只笑言去旅行，認真有義氣。

接Job押後度蜜月

敏之與William昨日一早跟足傳統儀式，向一眾長輩斟茶，其後才到環境優美的教堂行禮。據知，敏之整日多次感動得落淚，行禮進場一刻已有多個感動位！穿着拖尾喱士露背婚紗的她由家人陪着進入教堂，當家人將她交給William的一剎那，敏之即忍不住眼泛淚光，賓客們無不受感染！敏之接受本報訪問時說：「今次真係一個好難忘嘅婚禮，好多謝一班兄弟姊妹幫手，自己係基督徒，其實見到個教堂時已經係咁喊，係喊住咁步入教堂。媽咪都好感動，睇到自己個女出嫁當然開心。」問到會往哪兒度蜜月？她表示由於接了工作，稍後要去新加坡，所以遲些才會去旅行。

伍姑娘感動有茶飲

而身在峇里出席婚禮的伍姑娘受訪時坦言每個時刻都很感動，前日到埗後齊齊吃晚飯，一班朋友相聚勁開心。問到送甚麼禮物給「阿妹」，伍姑娘說：「嚟到呢個Party已經係好好嘅祝福，練氏伉儷當然有送好特別嘅禮物畀佢，但係乜嘢就唔透露喇，總之呢份禮物就算將來敏之同我嗌交，佢都會好記得，一定會愛死呢份禮物！」伍姑娘指敏之昨日未有使出其最強武器（長腿），讚她笑容已相當甜美，還開心表示敏之有斟茶給她這位「家姐」：「真係好榮幸！我哋唔係口講嘅姊妹，佢真係當我係屋企人，好認真咁斟茶畀我同老公飲！本來氣氛好輕鬆，但唔知點解佢哋斟茶畀我哋時，我真係感動到忍唔住喊，亦都令敏之忍唔住同我一齊喊，呢個係最感動！」

另一賓客黃長興表示可以見證一對新人的婚禮感開心，祝他倆永遠幸福：「頭先婚禮場面好感動，呢個Trip好開心，大家都會一齊食餐飯，開心吓。」