兩位影帝張家輝和謝霆鋒因合作電影成好友，「先知」家輝更早在去年王菲宣布離婚時，已批中「鋒菲戀」勢必「舊情復發」，想不到一語成讖，獲霆鋒讚他「叻過麥玲玲」！

張家輝批中鋒菲會復合，非常得戚！

霆鋒Cool爆現身機場，未知是否去見女友王菲呢？

劉嘉玲亦飛往北京，更笑笑口揮手。

張家輝昨日出席伯爵錶活動，他透露會再執導演筒拍靈異電影，並打算找霆鋒合作。提到「鋒菲」世紀復合？家輝抵死地說：「佢舊情復發嘛！（復發？）我覺得用復發好啲，有發短訊畀佢，我同佢講早知你舊情復發啦，霆鋒仲話我『叻過麥玲玲。』」問到為何貼中兩人復合，家輝自爆：「王菲有離婚消息，我同霆鋒一齊，仲話佢掂喇！佢仲話唔好講啲衰嘢！」

霆鋒昨日約11時出現機場離境大堂飛往北京，問到飛去哪裏？霆鋒細細聲說：「唔知呀！」問到是否見女友阿菲？他未有回答。而王菲的好友劉嘉玲與鄧永鏘胞妹鄧霓儀乘同一航班飛北京，問到可會相約阿菲？嘉玲說：「睇時間啦！」

王菲返台Cool爆

至於王菲完成在台灣花蓮的廣告拍攝工作，乘火車回台北，被不少市民認出，問到與霆鋒結婚打算等問題，她都未有回應。而栢芝日前返港時，被發現無名指上有大鑽戒，據知鑽戒由內地著名作家張一一所贈，令人懷疑兩人是否拍拖。