古巨基（基仔）出席在中山的記者會，宣傳下月於中山舉行的個唱，他透露這次是全新編排的演唱會，雖然揚言不會「爆肌」，但仍預備了很多驚喜給觀眾。當他被現場歌迷問到何時生BB時，他即笑言冇時間：「上半年已做咗老襯，下半年又要滿足粉絲開演唱會同拍電影，要排到出年先有時間擺酒，所以真係好忙！」基仔又透露婚後最大的改變是有人叫他「老公」：「感覺身份上唔同咗，手上多咗結婚戒指，就係對婚姻嘅責任。」他希望未來可以平衡家庭和事業，並留多些時間給家人。

基仔笑言太忙，冇時間同老婆「造人」。

基仔（中）在記者會上與嘉賓舉杯祝酒。