藝人裕美和周永恒（Roy）、趙頌茹分屬多年好友，對於傳Roy疑患鼻咽癌，她驚訝地說：「個消息邊度嚟？佢入院後我WhatsApp過佢，但一直冇覆，亦冇睇過，所以我乜都唔知，如果係真，好心痛，好擔心佢。」至於可覺得Roy有鼻患問題？裕美謂聽Roy唱歌，會聽到好重鼻音及鼻「盟」聲，以為是鼻敏感問題，故沒提好友看醫生。

裕美（左）與趙頌茹及Roy分屬好友，她希望Roy能醫好疾病。

至於身為虔誠基督徒的她又覺得Roy由被捕到入院，覺得一切都是神的安排，令Roy可及早發現身體出現問題，她信心十足地說：「神會保守住大家，希望Roy醫好，醫到，我亦慰問Roy嘅家人，望佢哋得到安慰，雖然佢係一個百厭嘅人，但我相信佢內心都好多掙扎，經過呢次經驗後，會反思同改過。」

至於身為Roy女兒契爺的張致恒（Steven）接受電話訪問時表示，因剛自上海拍戲回港，故和Roy失去聯絡，問他可知Roy患重病？他說：「知，佢腦有事。（傳佢有鼻咽癌喎？）吓，咁又唔知，聽到好擔心，我會打電話畀佢。」Steven又說作為基督徒，希望Roy及早治病，有信心神會保護及醫治Roy。