林曉峰（阿Lo）昨日到九龍塘為Shell V-Power LEGO模型系列展覽進行揭幕儀式。自認「車迷」的他透露經常與太太康子妮甜蜜遊車河：「我日日都揸車，如果得閒，一定會接小朋友返學同放學，夜晚仲會同老婆兩個人去兜風。（咁浪漫？）梗係啦！無論結婚幾耐都要Keep住呢個態度！」阿Lo又自爆是LEGO玩具的忠實粉絲：「細個已經成屋擺滿晒。（囝囝都好多玩具？）多到要分組同分類！」並笑言經常與太太在家Cosplay：「每日返屋企都要Cosplay，化身玩具畀細路玩！我扮Iron Man，老婆扮Sailor Moon！我訂唔到Sailor Moon最新嘅制服。」

自爆是LEGO粉絲的阿Lo興奮地與LEGO車合照。