星級媽咪蔡少芬及江希文，雖然大可將湊女的重任假手於人，但二人寧願辛苦自己，也要落手落腳照顧愛女，一貫有女萬事足的廿四孝媽媽風範。

有女萬事足的Ada，出席活動遇到小朋友亦笑得特別開心。

江希文（左）推着BB車到中環行街，女友人則不時逗BB玩。

蔡少芬（Ada）昨日以「奧比斯愛眼之星」身份，現身馬鞍山廣場出席《奧比斯Superpower嘉年華》，對於曾在微博慨嘆當媽媽辛苦，她解釋：「嗰日見天氣唔曬，就帶兩個女去樂園玩，點知去到太陽又曬番，咁啱細女肚餓，大女又唔想坐低，仲倒瀉晒啲奶粉，嗰刻有啲無奈。（老公點氹番？）佢出咗埠做嘢，知道後話我蠢，做乜唔去冷氣地方？我覺得更無辜，不過見到兩個女嘅笑容，乜都開心番晒！」

爆童年眼生瘡

教女甚有心得的她又想帶兩女做探訪，她說：「想佢哋知道幸福唔係必然，佢哋之前睇咗幅山區冇乾淨食水供應嘅小朋友相之後，刷牙都識主動閂水喉，話要留乾淨水畀山區小朋友。等佢哋再大啲想帶佢哋去探訪，等佢哋更珍惜目前所擁有嘅。」她又自爆童年受眼疾之苦：「小學時右眼生過兩次眼瘡，因為細個唔識注意衞生，用手捽眼，污糟嘢入眼生瘡，要入醫院反起眼皮，刮番啲污糟嘢出嚟，好在之後視力冇受影響。」

此外，息影女藝人江希文昨午3時許，推着BB車現身中環，身穿背心短褲的她，與女友人同行。BB女肥嘟嘟，精靈可愛，引得江希文也露出燦爛笑容，一派有女萬事足的冧樣。