G.E.M.的好姊妹李蘊原來一早知情，更大爆G.E.M.很期待明年升空之旅，她說：「我知道，佢上年都講過，我知佢好期待、好興奮。」李蘊坦言不是人人有機會上太空，即使有錢也未必做到，故戥好友開心，問她可有託G.E.M.升空之旅為她做甚麼？她笑說：「我叫佢帶埋我張相上去，不過佢話喺太空得6、7分鐘時間，好短咋！（佢驚唔驚？）唔驚，啱啱先玩完跳降傘，佢好大膽，乜都敢試。」李蘊坦言如果有機會升空，希望男友或家人相伴，並笑說：「一個人會驚，有男友或屋企人陪好啲，始終上太空好快，唔知個離心力會點。」

李蘊