無綫藝員龔嘉欣（Katy）、黃心穎、羅蘭、羅鈞滿、陳國峰與周志康等前晚到尖沙咀出席明珠台《魅影星期六》宣傳活動，各人以萬聖節打扮現身，Katy以魔女造型上陣，心穎則略騷事業線扮驅魔女俠。問到最難忘的鬼片，Katy說：「最驚係貞子！」即被現場人士取笑，搞到她要尷尬解釋：「電視機爬出嚟嗰啲呀！」

羅鈞滿（左起）、陳國峰、周志康、羅蘭、黃心穎與龔嘉欣扮鬼上陣，搞笑多過驚嚇！

Katy又透露未試過有男士約玩鬼屋而乘機追求，笑言可以一試：「如果去鬼屋梗係要同男仔去啦！驚起上嚟都有人可以搣吓！」心穎則笑說：「細個有男仔約睇鬼片，但係啲男仔仲驚過我！」