歌手薛凱琪（Fiona）與松岡李那（Linah）等前晚出席品牌活動，Fiona表示現忙於十月初的新碟宣傳，還透露將於下周初發布一部自編自導的微電影：「呢部微電影長達20分鐘，未入行前除咗做演員，仲想做畫家、裝置藝術家同導演。（有何特色？）注重演技！冇賣弄性感同親熱場面，劇本好到Paco（黃柏高）睇完都話OK，可以有第二部。」但提及房祖名時，她依然避談，只稱有密切留意對方消息及為他祈禱。至於Linah談到新片《美人魚》勁興奮，並透露肯定有份演出，不介意演醜角，現時練定普通話。她的緋聞男友林德信出席另一品牌活動時表示將拍瑜伽節目，亦會邀請Linah參演。提到對方入選《美》片六強，他直言有鼓勵對方：「呢個係一個好機會，全世界都會睇。」活動後，他與男助手到運動用品店買運動短褲。

薛凱琪自編自導微電影，笑言Paco睇完都讚好！

林德信出席活動後往買運動短褲，大有斬獲。

陳嘉桓（左）與崔碧珈扮靚靚出席，齊齊騷腿。

露背上陣的松岡李那練定普通話，準備做「美人魚」。