懷孕約九個月的陳爽前晚穿上高踭鞋出席慈善晚宴，她透露已為分娩做好準備：「下個月就生得，朋友話會快啲出嚟，因為係生男仔。（開刀定自然分娩？）盡量希望自然生，執齊所有嘢喺袋度，隨時準備去醫院。（學吸氣呼氣？）之前做瑜伽訓練時有學。」她亦笑言增磅不少，現在肚皮愈來愈大，要行多些及游水，務求令肚子舒服點。她又透露丈夫愛護有加：「佢成日叫我唔好行咁遠，隨時可以陪我入醫院。（入埋產房同剪臍帶？）要佢決定，如果佢入產房，我會鎮定啲。」

陳爽腹大便便仍踩高踭鞋現身。