模特兒Lea T.昨日擔任活動模特兒行騷，並示範瑜伽動作。她笑言做Gym上癮，每星期會健身10至12次，又會做瑜伽或高溫瑜伽。問到做運動時會否找男士相伴？她說：「有時會同幾個男仔或者教練一齊做，因為有人互相鞭策，出嚟嘅效果會好啲。（擇偶條件要求對方熱愛運動？）唔使，只要佢都有健康嘅生活習慣就得。最緊要唔食煙、唔飲太多酒。」問到是否有大批追求者？她笑說：「我唔知呀！唔識答。（同人約會？）都算有。不過我啱啱喺歐洲旅行返港，依家都係專注工作先。」

充滿活力的Lea示範瑜伽動作。