黃宇詩「借病遁」急澄清

藝人黃宇詩昨日接受吳綺莉主持的電台節目訪問後，原定即場接受記者訪問，但公關向記者表示她因身體不適而拒絕受訪，由於最近有指其男友因戀情曝光而離婚，難免令人誤會她有意迴避追問。本報記者致電慰問，宇詩說：「我冇嘢，多謝關心。」其後再主動澄清：「其實冇唔舒服，有關方面冇通知，我喺冇準備之下，臨時先知要見記者。唔係我唔想面對記者，因為感情問題都答晒，就算下次見記者我都好樂意回答，唔使避忌，最緊要係尊重問題！」至於電台公關則解釋：「唔好意思，當時見佢表現唔雀躍，以為佢唔舒服。」又指嘉賓訪問由節目監製安排，雙方可能是溝通上出現問題。