陳智燊、宋熙年及黃心穎等昨日到尖沙咀宣傳無綫節目《酒遍全世界》。日前公開戀情的智燊及熙年全程表現恩愛，熙年更自爆買定「情侶酒」留待結婚當日開瓶慶祝！

陳智燊及宋熙年在活動上全程翹住手，Sweet到爆！

Jason及熙年舉杯祝酒時被取笑似足預演婚禮。

黃心穎盛裝出席活動。

陳智燊（Jason）、宋熙年、黃心穎及馮允謙等，昨日在尖沙咀為無綫節目《酒遍全世界》造勢，無綫總經理鄭善強亦現身支持。以情侶檔亮相的Jason及熙年自公開戀情後毫不避忌，親密地舉杯合照，被取笑似足預演婚禮的祝酒儀式，令二人哭笑不得。

儲樽作紀念

問到二人有否品酒習慣，Jason自爆熱愛收藏空酒樽作紀念：「會呀！過時過節會買香檳，飲完後Keep個酒樽，寫低當日嘅事作紀念。（浪漫？）唔太浪漫，唔係成日飲，仲要多數同一大班人飲。」問到有何難忘的品酒回憶，熙年Sweet爆表示曾買「情侶酒」：「我買咗一支有佢出生年份嘅酒送畀佢，我都買咗畀自己，一直都未開嚟飲！」問到是否留待結婚才開瓶品酒，Jason說：「都得！（三年內結婚？）希望用得着（支酒）啦！」記者又問到熙年是否為婚禮預先揀酒，她甜笑地表示未有任何計劃。

心穎搶「峰」頭

談到二人會否為未來的「愛情結晶」買下第三支記有出生年份的酒，熙年坦言會考慮，而Jason則High爆表示難以預知BB的出生年份。而同場的前港姐黃心穎則以露肩黑色短裙晒事業線及白滑美腿，成功搶鏡！