洪卓立昨日為新碟舉行粉絲私影會，吸引大批粉絲到場，穿上睡衣的他攬實兔公仔，在道具床上扮瞓，又與多名女Fans影「床照」，他笑說:「我同過百女仔上床影床照！」更直認和女友湯怡影過：「梗係會啦！着衫嘅床照，正常嗰啲都會。（冇着衫嗰啲？）有都唔話你聽啦！唔通話有咩？」

洪卓立攬着可愛兔公仔與粉絲合照。

洪卓立與粉絲影「床照」。

他又自爆有裸睡習慣：「特別係換咗床單嗰幾日，寧舍乾淨，當然冇客人喺屋企時先會咁做！」談到新碟銷量，他表示未有過問成績：「陳奕迅都係賣得900隻，我仲問乜，但聽到大家話鍾意我嘅新嘗試。」