鄧紫棋（G.E.M.）早前晒揸車相，惹來駕駛時違法使用電話的疑雲，她前晚出席慈善活動時，力撐運輸署網頁的新法例列明行駛時用手機才犯法，直斥網民大驚小怪，故不會避免晒揸車照！但她直認首次晒相時未有熄匙。

G.E.M.早前晒揸車相惹禍，前晚她演出活動時力撐冇犯法。

李克勤（右起）為活動獻聲，胡定欣與陳智燊則同台上演「親熱戲」。

鄭裕玲與林子祥聯手為慈善騷演出。

鄧紫棋、張敬軒、楊千嬅、李克勤及林子祥等，前晚現身紅館為無綫節目《星光熠熠耀保良》擔任嘉賓，早前兩度網晒揸車相的G.E.M.，遭網友質疑駕駛時用電話屬違法，她反駁指其揸車師傅稱冇問題，並強調在運輸署網頁查過新法例，車輛行駛時使用手機才違法：「叫佢哋上運輸署睇吓規條先啦！（避免Post呢啲相再惹麻煩？）我唔會為佢哋唔做正常嘢，坐喺車上影相有乜問題？我有扣安全帶，車又冇開緊，淨係坐喺司機位影相，根本一啲問題都冇，大驚小怪！」

冇熄匙用電話

但有律師指她疑墮灰色陷阱，因為未熄匙用電話隨時違法，不過她死撐：「運輸署冇講，副眼鏡倒影見到我泊埋邊，車冇開緊。（第一次影相有冇熄匙？）冇，邊有人紅燈熄匙？但咁唔會犯法，新法例只適合行駛時。」她揚言有事先查看法例，不想成為粉絲的壞榜樣，又稱為赴德國工作而把考車日期延期到明年3月。

向羅文致敬

穿黑金閃爆外套的軒仔唱《波斯貓》及《激光中》向已故歌手羅文致敬，他說：「跳籮記嘅舞，腰力差啲都唔得！感受到無綫嘅改變，件衫有演唱會質素，每粒真水晶都係逐粒釘上去。」而趕載老公丁子高到機場的千嬅，笑言對方不停問時裝周的服飾：「佢猛問我襯衫，我話關你乜事，又唔係你行Catwalk！佢仲貪靚過我，跑步都要襯色。」她又爆囝囝Torres黐媽咪，試過反口由外婆接放學，囝囝躲在學校不願走：「個仔硬頸，媽咪話係報應！」