劉嘉玲、梁家輝及謝君豪主演的英皇舞台劇《杜老誌》第二輪演出前晚落幕,完場時一眾主角謝幕多次掌聲雷動。事後一眾主角出席酒會及會見傳媒,宣布明年1月17日起加開第三輪十五場,席間心情大佳的嘉玲多次「派吻」。對於阿菲與霆鋒復合一事,她表示事先並不知情,問到會否怪阿菲刻意隱瞞,她說:「梗係唔嬲,做朋友嘅嘢最緊要佢開心啫!(知道佢哋一直有聯絡?)應該有啦。朋友嚟嘛。愛係一件好美好嘅事,如果係真嘅話,我由衷祝福佢哋。」她又透露昨日會到北京公幹,笑言會抽時間與阿菲見面。

嘉玲表示不會怪阿菲隱瞞戀情。

嘉玲談「鋒菲戀」時,家輝亦在旁搭訕。

而家輝則在旁搭訕:「愛唔係要周圍講嘅,我同嘉玲夠開花結果,一地都係呀!(今次復合好戲劇性?)咁我哋係Drama人嘛。恭喜你哋(指記者)攞到單咁嘅嘢。」《杜》劇出現撲飛熱,家輝笑說:「咁有冇iPhone咁勁先?真係要休息吓,我做到聲都沙埋。(傾巡迴演出?)呢啲交畀佢哋,唔想分心,有機會出埠梗係好。」