名模馬詩慧（Janet）昨晚以超性感打扮與王敏德出席活動，王敏德笑言有衝動上酒店房，Janet卻大潑冷水，笑稱擔心他有心無力！

馬詩慧中門大開施誘，王敏德即從後攬實嬌妻撩開房！（設計對白）

溫碧霞向王菲及霆鋒送上祝福，期望兩人修成正果。

戴尚安擔任大會司儀，風度翩翩。

名模馬詩慧與王敏德（Michael）昨晚身穿情侶裝到君悅酒店出席晚宴，穿套裝的Janet中門大開，Michael則以黑色西裝上陣，問到是否刻意穿情侶裝？Janet說：「冇特別安排，男人唔需要特別安排。」Michael則說：「我哋都一齊咗22年，好多時都心靈相通！佢今晚好有型、好正，成個飛機師咁！」語畢即從後攬緊太太說：「佢撻着咗我！（有衝動再生B？）睇吓今晚活動幾點先！（可以上酒店房？）有得諗，我同公關都幾熟，可以叫佢安排吓！」記者隨即問Janet可有意見？她笑說：「我年紀大啦，佢可能有心無力！」

溫碧霞祝福鋒菲

同場有名媛李桂蘭與兒子戴尚安（Sean），為大會擔任司儀的Sean透露女友婷婷現時在米蘭，問到對霆鋒與王菲復合一事有何看法？他表示與霆鋒僅見過數面，不便評論。李桂蘭則被問到是否想兒子盡快結婚生B，她說：「個個都恨抱孫啦！（同佢傾過婚事？）一講呢個問題，佢就會即刻90度轉身唔答我！」

此外，溫碧霞與老公結伴到場，她亦替霆鋒及王菲復合感高興，指兩人毋須介意譜姊弟戀：「重點係大家互相鍾意，年紀唔係問題，最緊要係真心相愛！（真愛好緊要？）用錢買唔到愛情，我喺娛樂圈見到好多人都只為追逐名利，真係好感慨！女仔最終喺感情度先可以搵到真正嘅幸福同開心！」