名模Rosemary日前愉快地度過了人生最後一個單身生日，她表示獲朋友悉心安排生日派對：「好姊妹貝安琪（Ankie）當然有嚟，不過美中不足係Jason（未婚夫）唔舒服嚟唔到，大家之後仲去咗中環飲嘢添！」她透露Ankie送了印有她們模樣的蛋糕及一套瑜伽服。問到Jason有何準備？她即甜笑說：「前日有一齊食飯補數，禮物就一早送咗啦，之前去美國旅行時仲影埋結婚相。我哋以Indian Outfit（印度服裝）喺沙漠影，之後仲會繼續去旅行影結婚相。」她又興奮地表示與Jason將於十一月到馬爾代夫提早度蜜月。