無綫於上周二裁減50個職位後，外間諸多揣測，無綫職工會為此更激動表態，於下周四到電視城發起「黑衣行動」，無綫執行董事兼集團總經理李寶安昨日為此首度開腔，更向員工大派定心丸表示暫不會有第二波裁員行動，他說：「尊重員工合理同合法表達意見嘅自由，無綫一向非常珍惜與重視同事，近期嘅小量裁員事件，唔代表無綫唔珍惜同事，但對於一個商業機構嚟講，避免唔到營運同資源重組所引致嘅資源過剩，無綫都要適當去處理，但暫時唔會再有第二波大規模裁員。」

李寶安表示無綫暫時不會再大規模裁員。