謝霆鋒與舊愛王菲世紀復合，昨日成為全城熱話！去年底與霆鋒傳緋聞的文詠珊（Janice Man）成為追訪對象，她出席米蘭時裝周時明顯有備而來，送上3次祝福之餘，更覺得鋒菲復合如看浪漫的愛情電影，很震撼！

Janice Man（JM）

霆鋒曾自爆他最愛的女人是王菲。

盧巧音雖然很久沒有聯絡舊愛霆鋒，但仍大讚鋒菲相襯。

Janice Man祝福霆鋒和王菲一生一世，認為年齡差距不是問題，最緊要開心。

去年底被《好報》獨家踢爆謝霆鋒帶Janice Man（JM）出席好友飯局而傳緋聞，如今霆鋒與王菲再度復合，JM於米蘭時間9月20日出席當地的時裝周時，明顯有備而來，並稱看了網上新聞：「呢單新聞好震撼，感覺好似睇緊好浪漫嘅愛情電影咁，如果霆鋒同王菲真係復合，我祝福佢哋一生一世。（你有冇WhatsApp問霆鋒？）我不嬲唔八卦，少聯絡。」又否認是霆鋒緋聞女友，只是再三送上祝福。

舊愛盧巧音讚合襯

提到鋒菲年紀相差11年？JM說：「愛情係唔睇年紀，而係睇個性，同大家夾唔夾，睇緣分，人係唔知道明天發生乜事，呢次走番埋一齊係緣分。（佢哋好Sweet？）係呀？我睇得唔清楚，拍拖蜜運時係會樣靚，係開心事，衷心祝福佢哋。（覺得佢哋會結婚？）人哋愛情嘢，佢哋先知，開心就得，結婚Why Not？冇嘢係絕對，結咗婚都有機會離婚，兩個人一齊最緊要開心就得。」但問到會否睇好二人戀情，她坦言不答假設性問題。同場還有國際名模Coco Rocha和德國超模Heidi Klum等。

另一邊廂，霆鋒舊愛盧巧音昨日出席音樂會，被問到鋒菲復合，她坦言很久沒有聯絡霆鋒，亦沒有看短片，但戥二人開心，大讚二人相襯。問到是否想不到鋒菲復合？她說：「地球圓嘅，係緣分，佢應該定性。」