王菲及霆鋒昨日驚爆世紀復合，除Fans畀Like外，一班星級好友亦齊送祝福。王菲的好姊妹劉嘉玲即使忙於綵排舞台劇《杜老誌》，亦不忙送祝福：「愛係一件非常美好嘅事，如果係真一定會送上無限祝福。（有冇睇過啲相同片？）冇呀，邊有時間？（會唔會打電話畀佢？）會呀，等我做晒宣傳先啦！」而趙薇（圓圖）為力撐好姊妹王菲及維護其私隱而封口：「不方便對別人的事情作出評價。」另一邊廂，霆鋒好友亦是其前妻張栢芝「閨蜜」的葉佩雯表示：「是真的嗎？我同Eric（老公郭偉亮）恭喜佢哋。」而跟霆鋒識於微時的陳奕迅雖在長途電話笑說：「Sorry，冇嘢可以回應。」卻明顯興奮，似為好兄弟覓得真愛而開心。