英皇集團主席楊受成博士對旗下愛將霆鋒跟王菲復合不覺震驚，他昨日在電話中說：「霆鋒跟王菲都離過婚，如果真嘅都恭喜兩位，可以隔咗十幾年再一齊，係好真情好相愛，好難得，都戥佢哋開心！（會打電話同霆鋒八吓？）唔需要，如果係事實，遲早會話我知，否則霆鋒都會否認。」有傳王菲已懷霆鋒骨肉，楊生不禁笑說：「係咩？呢個好震驚，如果係就恭喜佢，戥佢哋開心。」

疼錫霆鋒的楊受成非常支持世紀復合，大送祝福。（資料圖片）

至於跟霆鋒頗有交情的鄭希怡在電話中說：「唔知真定假，如果係真，我覺得係好事，好戥佢哋開心，佢係我大師兄，佢做任何事都撐佢。」師弟洪卓立亦笑說：「啲相睇落好似幾真，如果隔咗咁耐都可以一齊番，就真係好愛對方，係開心事！（結婚係最好結局？）咁又未諗到咁長遠。」