張家輝、張學友、曾志偉、胡楓（修哥）及陳慧琳（Kelly）昨日出席高錕慈善基金成立四周年慶典，家輝坦言擔心60歲後會冇記性，志偉搶咪說：「你過到先講啦！」家輝即時還擊指志偉應多作檢查，因他經常「講嘢唔算數」。家輝曾笑言與學友是「異父異母的親兄弟」，他們昨日同場受訪，學友笑說：「長輩好少分享經驗，我見到有個人咁似我，我都有懷疑，我哋都有研究族譜，可能係好多百年前有關係，隔好多代再撞番！」提到葉玉卿的15歲女兒拍拖，女兒已14歲的學友說：「呢個歲數唔算唔正常，最緊要坦白、健康！我個女就話未。（接受幾歲拍拖？）我冇接受！係唔到我接唔接受，佢係個體，只可以從旁指導！」而日前42歲生日的Kelly收到囝囝及老公Alex的濕吻做禮物，並踢爆老公酒後長氣及愛唱歌，對於有指老公夜歸避開「造人」，Kelly說：「我都唔想造人呀！咁忙，造咁多人做咩啫！」

Kelly（右）在台上接過高錕妻子所頒贈的著作。

張家輝及張學友（右）這對「失散兄弟」齊齊受訪。