藝人石詠莉（Suki）前晚在微博透露於銅鑼灣「濕平」時險墮騙局，幸精明的她按密碼過數時發現數目不符，她即拒絕過數並火速離開店舖，力保五位數！Suki昨日透過電話詳述疑被騙過程：「啲衫冇價錢，問職員話幾百蚊一件，最後買咗三條裙一件飾物，原本想碌卡，又話部卡機壞咗，叫我用EPS（易辦事），準備密碼過數時發現係五位數，問佢係咪輸入有錯，佢就話啲衫邊有幾百蚊咁平！」有感被騙的她即表示「唔要」，但對方卻說：「買一、兩件等我好做啲。」猶有餘悸的Suki說：「當時好驚佢困我喺店內，即刻攞番張卡喪跑，係咪識得我而住嚟搶？成件事係騙案，好似海味店賣藥材斤變両！」問到會否向海關或消費者委員會投訴，她說：「有考慮。」

Suki考慮向海關或消費者委員會投訴。