高鈞賢昨日於微博暗示將約滿離巢，他感激無綫栽培，雙方仍保持良好關係。有望與內地經理人合作的他，自爆渴望以全新形象示人。

Matthew即將離巢，但他仍感激無綫的栽培。

參選香港先生而加入無綫的Matthew曾拍過不少劇集。

高鈞賢（Matthew）昨日於微博上載近照及留言，暗示將與無綫結束九年的賓主關係，Matthew感激無綫為他帶來夢想：「從一張白紙甚麼都不懂在加拿大發了個夢。謝謝TVB給我這個夢想，也是我的第一份工。九年很多都嘗試過，寶貴的經驗和機會令我成長了。」

未想再「拍拖」

他又透過電話訪問證實離巢決定，更表示想以新形象示人：「都想出去發展吓，近期搵朋友影咗好多造型照，想畀大家唔同感覺，因為之前喺無綫形象太深入民心。依家抖吓先，不過都接咗好多活動同內地雜誌的拍攝工作。」

Matthew又說與無綫關係良好：「TVB高層好錫我同擔心我的路向，之前去巴西宣傳世界盃係個美好完結，關係好開心。」

問到會否另簽經理人？Matthew把簽約比喻為「拍拖」：「唔想咁快落筆展開新感情，簽公司就好似拍拖，要睇時機啱唔啱！依家簽內地經理人機會較大，當出去學吓嘢，對人生有幫助。」