歌手吳國敬的新歌《世紀老人巫》被指暗諷甄妮，早前兩人更爆發網戰！昨日本報收到有網民爆料，質疑阿敬本月底與港青交響樂團合作的音樂會門票銷量一夜間飆升，懷疑造假，又寸阿敬搞新聞博見報。阿敬昨日在電話中反擊：「梗係唔鍾意我嘅人先咁做，佢好冇品，連我去世嘅阿媽都話埋。」阿敬懷疑該網民乃甄妮的支持者，因為對方的微博頭像是與甄妮的合照：「我大把做生意嘅朋友，佢哋買晒啲飛有幾出奇，千幾個位啫！如果我要博見報宣傳，都等開紅館騷先啦，其實今次只係歌迷聚會音樂會。」

吳國敬的音樂會被指銷情造假，令他非常憤怒。

甄妮與吳國敬向來有牙齒印，這次又再起紛爭。