何傲兒昨日為婚紗騷打頭陣及壓軸行騷，谷胸上陣的她甚有睇頭，卻不慎失手露「缽仔糕」。未知是否束腰太緊，令她背脊「唧」出不少肉，她說：「我今日冇食過嘢，淨係飲齋啡！」問到何時披嫁衣，她說：「依家Focus工作，披嫁衣好長遠。（你嘅白馬王子未出現？）王子暫時轉移喺工作上，將來結婚對婚紗冇咩要求，不過一定要着，因為女仔着婚紗係最靚！婚禮唔使大搞，簡簡單單就得。」問到剛過去的中秋節怎樣過，她說：「中秋節要開工，都有同屋企人食飯。今日係我農曆生日，喺工作中度過係好大鼓勵。（生日有冇人約？）冇人約，第一份收到嘅生日禮物係公司送嘅蛋糕。（前度有冇祝你生日快樂？）我舊曆生日唔係好多人知，我都只係拍過兩次拖，新曆生日就會搞Party。」

谷胸上陣的何傲兒甚為養眼，不慎露缽仔糕出醜人前。