關之琳（中）與阿B及范姜離場時笑住否認生腦瘤傳聞。
多位圈中人昨晚出席祈福晚會，包括關之琳（之之）、袁詠儀（靚靚、下圖）、鍾鎮濤（阿B）、王家衛、姚子羚、江欣燕及關秀媚等，完騷後，精神飽滿的之之亦大方受訪，她笑指其腦下垂體生腫瘤的報道並非事實：「唔係真！我去嗰層睇牙咋！（畀人咁話唔開心？）唔會！多謝大家關心。而阿B則透露曾遠赴尼泊爾、不丹及印度朝聖，他認為密宗導人向善，問到是否受太太影響？他說：「唔係，係互相影響，愈接觸得多愈來愈有興趣。」提到最近有報道指之之早年曾患腦瘤，他說：「你哋問番佢啦！我就覺得佢好精神。」擔任義工負責打點的關秀媚則表示三年前正式皈依，雖然不清楚之之的身體情況，但之之「睇落好健康好靚」。此外，靚靚接受電話訪問時表示只是跟圈外朋友參與，故想保持低調，但透露曾與大寶法王見面：「佢好慈祥，可以令暴戾如我聽完都心境平和，跟到佢學佛係福分。（知唔知現場有巨星獻唱？）唔知，但無論邊個唱都係好聽嘅音樂。」而已信佛一段日子的姚子羚正考慮食長齋：「最後皮膚出疹，都戒咗牛，可能係劇接劇壓力大。（緋聞男友呵番？）冇呀！好多朋友都照顧我。」
姚子羚（左）
