楊千嬅昨日舉行新碟簽名會，獲大批粉絲支持，其中有男Fans以黑絲配短褲大跳其新歌舞步「色惑」千嬅，望到眼定定的她笑說：「人生真係需要好大勇氣先行到呢步，我都輸畀你！」她又慨嘆產後記性差：「以前呃我一蚊都記得，依家要錄低同人講嘅嘢。」

千嬅於台上勁歌熱舞，大受歡迎。

側田出席新城音樂會，投入獻唱。

此外，千嬅前晚與側田齊齊為新城音樂會演出，她稱囝囝Torres上學後變得多說話，已做好心理準備會被囝囝頂撞，並笑說：「老公唔嘢小，我都唔係善男信女，個仔性格似我。」側田則自責與千嬅合唱時唱錯歌詞：「第一句就唱錯，依家都仲忟緊，要記好啲歌詞！」