林小明
陳嵐公開要求周星馳十日內站出來澄清事件，揭開周星馳多年來與不少圈中人發生過的不和傳聞。各人對他有不同的評價。
王晶
與周星馳合作《少林足球》，曾傳不和的寰宇公司老闆林小明說：「咁激呀！都好呀，點解要鬼鬼祟祟匿埋，唔公開咁講呢？呢件事好，終於搵到人治吓佢，咪等佢成日喺度牙擦擦，呢個人本身就有問題。」
王晶：「各家自掃門前雪啦！呢件事上我冇興趣去管理。」問到周星馳為人是否較難相處，他說：「之前都講過好多，唔想再講咁多。難做朋友囉！」
邵音音昨日自爆原本有份拍星爺執導的《西遊．降魔篇》，但臨上機被飛。她又表示未聽過有片商跪求星爺出席宣傳的傳聞：「都唔知佢有冇叫人跪。」她重申自己談不上認識星爺，因雙方僅曾同為海關拍攝短片。
和星爺合作多時的田啟文表示對方為人OK，他說：「可能我份人隨和，冇咩特別感覺。」
