汪圓圓前日為旭日國際集團副主席蔡加讚誕下女兒，陪伴在太太身邊的加讚一直沒有露面，昨日他現身醫院接受訪問，雖然一臉倦容，但仍難掩興奮心情：「前幾晚陪圓圓入嚟，尋日一早開刀，有入產房同剪臍帶。（擇日？）冇習俗，但幾好日子，一早定咗日子係尋日，因為星期二係中秋節假期，方便我照顧圓圓，同屋企人同朋友嚟探佢。」

加讚與汪詩詩笑容滿面，興奮心情可見一斑。

同日下午，其母親蔡李惠莉亦現身醫院，榮升嫲嫲的她透露孫女的最新狀況：「收咗水，個樣唔同咗，都係咁靚！（送禮物畀B女？）留畀爺爺（蔡志明）諗。」她又透露燉了愛心補湯給新抱仔。