《東網Baby》Alice B.藉中秋佳節化身惹火「玉兔」，與《東網》觀眾感受節日氣氛！不過強勢回歸香港模界的她憶述曾於入行初期被騙出席富豪飯局，令她感到羞辱，故下定決心誓做實力派名模！

Alice身材Fit到爆，今個中秋大家有眼福喇！

Alice自爆「賣豬仔」經歷，諗番都嬲嬲哋！

Alice趴在地上露出白滑後背，索呀！

早前返家鄉英國探望病母的「第四代Canon甜心」Alice B.表示，母親病情已穩定下來，暫可放下心頭大石。打算重整旗鼓闖模界的她，於休假期間積極增磅，終於成功豐胸升Cup至32C！務求以最佳狀態化身中秋「玉兔」的她，穿上性感兔女郎造型與粉絲共度佳節，用行動力證她強勢回歸！

Alice稱甚少在香港過中秋，故必定會前往大型花燈會感受歡欣的節日氣氛：「我會同朋友一齊去睇，之後仲可能會去沙灘參加派對，順便喺嗰度賞月，當然都會食月餅同玩燈籠啦！」又謂中秋過後會重投模特兒工作，並預告出席不同的時尚活動。

Cheap爆留陰影

早年在香港人生路不熟的她，原來曾被騙出席富豪飯局，她感慨地表示心中仍耿耿於懷，是人生一大不快回憶：「其實係啲有錢人想搵靚女陪食飯，形式係好似有十個女仔陪三個有錢人咁上下。去嘅人每人都有500蚊收，同埋會有免費嘢食同嘢飲。雖然啲人唔會對你做啲乜，但係咁樣陪人食飯，令我覺得非常Cheap，所以我試咗一次都冇再咁做過！」Alice又視師姐Lisa S.為奮鬥目標，對未來工作寄予厚望：「除咗模特兒工作外，仲想轉型做真人騷節目主持人。」