樂隊Mr.主音布志綸（Alan）早前被踢爆年底迎娶富家女Sally，據知婚期已定於今年11月7日，並在中環四季酒店大排筵席，婚禮支出估計逾百萬元，並將由Alan全包！好事近的Alan日前與未婚妻Sally到中環晚膳，醫肚後取車時見身穿連身短裙的Sally身形圓潤不少，肚凸凸似有喜！沿途，Sally翹實Alan並肩而行，Alan邊行邊傾，氹得未婚妻不時甜笑。意猶未盡的兩人再駕車往西環蠔吧買生蠔，未幾見Alan手持一袋外賣步出，雙雙返回男方位於薄扶林的寓所。對於疑似有喜，Alan透過唱片公司說：「唔係有咗！只係Sally影完婚紗相，唔使Keep得咁緊要先圓潤咗啲啫！」

Alan與肚凸凸的女友食完一餐又一餐，認真開胃！