薛凱琪前晚請來緋聞男友方大同和好友黃偉文（Wyman）作嘉賓，大同為Fiona的演唱會不遺餘力，以全身黑色Look升上舞台，大跳偶像米高積遜（Michael Jackson、MJ）的招牌舞步Moonwalk，令全場起哄！Fiona亦現身與對方鬥舞，最後她指尖一指，大同急速降落到台下。

方大同以MJ Look大跳Moonwalk，與Fiona比舞。

Wyman攬完Fiona纖腰後又咀嘴，令全場嘩然！

而Wyman與Fiona合唱自己所寫的《甜蜜蜜》，Wyman搞鬼地壓低聲線嚇倒歌迷，唱畢後兩人又即興咀嘴，引起全場尖叫！Wyman隨後Solo熱唱鄧麗君版的《甜蜜蜜》，並說：「好多人覺得，我嘅好友會得到好嘅詞，但其實我每一首歌都係咁用心寫。」他更大爆有些歌手為了他的詞落足心機「親近」他。