星級舞蹈導師Sunny Wong（黃國榮）前晚盛裝現身慶祝入行三十周年的匯演，喜獲模特兒太太洪華及好友歐陽妙芝攜同兩名囝囝捧場。

Sunny Wong偕老婆洪華出席慶祝入行三十周年的匯演。

帶同囝囝現身的歐陽妙芝大讚好友Sunny Wong充滿跳舞熱誠。

Sunny表示這三十年來對跳舞的熱誠有增無減：「所有舞蹈都需要悉心安排，舞蹈真係好講求默契，我開跳舞學校係想發掘有潛質嘅跳舞者！（一陣會即興跳舞？）唔會啦，我睇朋友表演。」

問到在圈內對誰的感受最深？他不假思索便說：「郭富城同小美，冇佢嘅歌就排唔到我嘅舞！」妙芝則透露幼子是當晚的表演者之一，並指很欣賞好友Sunny的跳舞天分：「佢由一個舞蹈員跳到變排舞師，再開埋學校做校長，佢對跳舞嘅熱誠真係毋庸置疑！」