郭富城、邵美琪（Maggie）及譚耀文等昨日出席新片《踏血尋梅》開鏡，為演活老差骨的城城竟自毀形象，白髮蒼蒼兼老態龍鍾，他說：「戴住眼鏡開工影響咗視力，依家遠視加深咗，仲要將平日運動量減半，配合角色陰沉性格。（影響追女仔？）開工冇私人時間啦！」談到其主演的《道士下山》及房祖名的戲份處理問題，他說：「我盡咗最大嘅努力去演，其他嘢等電影公司安排。」

扮演老差骨的城城滿頭白髮，扮得維妙維肖。

邵美琪（左起）、金燕玲及楊詩敏將在片中大演對手戲。

而同場的Maggie被發現戴上婚戒，問到是否已婚，她爽快地說：「係呀！」即令在場記者呆立當場，她見狀即說：「咁我做已婚女警嘛！仲有兩個小朋友添。（決定終身大事未？）我決定咗返無綫拍劇。（覺得婚書唔重要？）有好過冇。（咁欠啲乜？）唔知呀！」